Balada Kalak Ngayak

“Bagi kuda siitajurlah anak singuda
Meter perkiamna la mbewat nahena
La erpenandai ukur-labuh ngayak sura-sura
Kemalun la maba luah ergan asa emas pirak suasa”

Nande beru Karo erpedah tangkas sorana
Tendang datas tumba enggo urak pergarana
Muniken isi pusuh geneng bas mata
Sontil i kusur ukur erbelas lanai ersora

Bapa si la mbue cakap lenga melasken kata
Rikut gebuk isap kabang meganjang ukurna
Idudurken tumbuk lada rempu pirak suasa
Gendek kata tapi buahna ndarat kerina

“Enda tinading nini bulang si la kutandai rupa
Terberita merawa bujur la lit nogansa
Berkat ku taneh jawa tutusi nggeluh la erkadiola
Pang masap de sura-sura la terjaka”

Musim ngeigas kentang meseng
Lembu kerbo megulang guradang
Manuk ni asuh lesap kena bernung
Ukur piher la tertebeng

Tah terjaka sura-sura luah erluncah
Ise ngasup nuriken wari si pepagi?
Cirem ayo nande beru Karo tertunduh
Ngidah sabugan tekuak datas bide

Jatibening, Mei 2007

dimuat dalamTabloid Sora Mido Edisi Mei-Juni 2007

3 thoughts on “Balada Kalak Ngayak”

  1. MERINCUH
    Bang SG, lit kang ongal-ongal banci itukur i tiga arah lepar ena? Tuhu Nande beru Karo meket-ket erbahan ongal ongal, tapi enggo ka ndekah lanai ia erbahansa.

Leave a Reply

Your email address will not be published. Required fields are marked *